SA CUNDENNA KURDA - TRAGEDIA NEL KURDISTAN

Agheras minetosas
proghent
lampizadas de focu
ghetant
granzola
de palletones allutos
a semenare morte
supra una zente
ch'at una curpa ebia
esser biba
a pustis
de millènnios de istòria

___


TRAZEDIA ISLAVA

Fint chimbant'annos,
contant,
in s'iscuricore
de una metzana ditatura.
Sunt essidos
a su lucore
chi lis beniat dae s'Otzidente
a si mascare de libertade.
Como
liberos sunt
liberos de s'ochider
pari pari
sos frades ispojolande frades
suta su sole lìbidu
de òdiu anticu
de sambene pistu.